Франция президенти Эманнуэль Макрон Албания бош вазири Эди Рамедан кеча рўй берган ҳолат туфайли узр сўради.

Ташкилотчилар Евро-2020 саралаш босқичи доирасидан ўрин олган Франция – Албания учрашувидан олдин Албания мадҳияси ўрнига Андорра мамлакати давлат мадҳиясини қўйиб юборишган эди. Бундан ташқари «Стад де Франс» стадиони сухандони ҳам Албанияни Арманистон билан адаштириб юборган.

«Президент Макрон Франция футбол федерациясининг хатоси ва бизнинг давлат мадҳиямиз борасида юзага келган вазият учун чин дилдан узр сўради.

У буни «қўпол хато» деб атади ва футболчиларимизнинг муносабатини юқори баҳолаган ҳолатда мазкур узрни эълон қилишимни сўради», – деб ёзган Раме ўзининг «Twitter»даги расмий саҳифасида.

Presidenti Macron më shprehu ndjesën e sinqertë për gafën skandaloze të Federatës Franceze të Futbollit, me himnin e Flamurit tonë Kombëtar! E cilësoi një “gabim të papranueshëm” dhe duke vlerësuar edhe reagimin e lojtarëve tanë më kërkoi publikimin e ndjesës së tij #Respekt 🇦🇱🇫🇷

— Edi Rama (@ediramaal) September 8, 2019