Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ҳабиб Нурмагомедовнинг менежери Порьени енггани учун қанча гонорар ишлаб олганига аниқлик киритди

Ҳабиб Нурмагомедовнинг менежери Порьени енггани учун қанча гонорар ишлаб олганига аниқлик киритди

Фото: «AP»

Россиялик аралаш услубдаги жанг устаси Ҳабиб Нурмагомедовнинг менежери Ризван Магомедов америкалик Дастин Порье билан олишувидан жангчининг ишлаб олган гонорарига ойдинлик киритди. Унинг сўзларини «Спорт-Экспресс» келтиради.

— Олти миллион (доллар) — бу камайтирилган рақам. Ҳабиб Порье билан жангдан Макгрегор билан жангдагидан кўра кўпроқ пул ишлаб топди, — дейди Магомедов. Унинг таъкидлашича, Нурмагомедов — дунё тан олган спортчи. У яхши гонорар олиши учун таниқли жангчиларга мухтож эмас.

Жорий йил сентябрь ойида жангчининг отаси Абдулманноп Нурмагомедов Порьега қарши жанг учун унинг ўғли Макгрегорга қарши жангидан кўра 3-3,5 баравар кўпроқ пул ишлаб олганини айтганди. 2018 йил октябрдаги жанги учун спортчи икки миллион доллар ишлаб топган.

Ҳабиб Нурмагомедов — UFCнинг енгил вазн бўйича амалдаги чемпиони. У ўзининг сўнгги жангида Порьени бўғувчи усулини қўллаб ғалаб қозонди. Ҳабиб Нурмагомедов ҳозирги вақтгача MMA қоидалари бўйича 28 та жанг ўтказиб, уларнинг барчасида ғалаба қозонган. У вазн тоифаларини ҳисобга олмаган ҳолда UFC рейтингида иккинчи поғонани забт этиб турибди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг