Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Маҳмуд Муродов: «Биринчи жангимда 15 евро учун октагонга чиққанман. Бугун эса UFC жангчисиман»

Маҳмуд Муродов: «Биринчи жангимда 15 евро учун октагонга чиққанман. Бугун эса UFC жангчисиман»

Фото: «Xs.uz»

Аралаш жанг санъати (ММА) устаси Маҳмуд Муродов Тошкентда мухлислар билан учрашди. UFCда фаолиятини давом эттираётган спортчи шу куни 500га яқин мухлислар, оммавий ахборот воситаларининг қизиқтирган саволларига жавоб қайтарди, деб хабар берди «Xs.uz».

«Мен бу спорт турида фаолиятимни бошлаганимда ҳеч нарсам йўқ эди. Акам билан Россияга қурилишда ишлаб пул топиш, оиламга пул жўнатиш учун ишлагани кетгандик. Ўша ерда шуғулланиш учун шароит қилиб олиб машғулотлар бажарганмиз. -40 даражада совуқда ҳам ишлашга тўғри келган. Шундай шароитда ҳам спорт учун вақт топиб, жангларда иштирок этганман ва Чехияга йўл олганман. У ерда биринчи жангимда 15 евро учун октагонга чиққанман. Бугун эса UFC жангчисиман.

Ҳар бир спортчи ўз олдига юқори мақсадларни қўйиши керак. Фақат шундагина натижага эришиши мумкин. Тартиб интизом биринчи ўринда бўлса, сабр қилинса, ҳамма нарсага эришиш мумкин. Бунга менинг босиб ўтган йўлим ёрқин мисол бўлади олади», дейди у.

Шунингдек, Маҳмуд келгусида Ўзбекистонда спорт мактаблари очиш нияти борлигини ва бу режалаштирилаётганини ҳам маълум қилди:

«Тез орада Тошкент, Бухоро ва Самарқандда мактаблар ташкил қилмоқчимиз. У ерда шуғулланиш мутлақо бепул бўлади. Келгусида эса бутун республика бўйича бундай мактабларни ташкил қилиш режамиз бор», деган Муродов.

Эслатиб ўтамиз, Маҳмуд Муродов UFC промоушенидаги ягона ўзбек жангчиси ҳисобланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг