Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Реал» собиқ бош мураббийи «Мессининг буюклиги»ни шубҳа остига қўйди

«Реал» собиқ бош мураббийи «Мессининг буюклиги»ни шубҳа остига қўйди

Фото: «Wikipedia»

Мадриднинг «Реал» жамоаси собиқ бош мураббийи Хосе Антонио Камачо «Барселона» ҳужумчиси Лионель Мессини дунёдаги энг яхши футболчи ҳисобламаслигини маълум қилди. Мутахассис сўзларини «El Mundo»га асосланиб «Marca» етказмоқда.

Камачонинг фикрича, бирорта ҳам аргентиналик футболчи, агар жаҳон чемпионатида ғалаба қозонмаса, миллионлар ўйини тарихидаги энг яхши футболчи бўлолмайди.

«Месси жаҳон кубогисиз энг яхшиси бўлолмайди. Соврин — муҳим, асл футболчи ана шунга интилади ва Аргентина халқи ҳам доимо шуни талаб қилаверади», — деди Камачо.

13 август куни португалиялик тўпурар Криштиану Роналду Месси билан ўзини солиштириб, турли жамоалар таркибида Чемпионлар лигасида ғалаба қозонгани билан мақтанганди.

Маълумот учун: Лионель Месси — «Барселона» таркибида тўрт карра УЕФА Чемпионлар лигаси ғолиби ва 10 карра Испания чемпиони. Бундан ташқари, у беш марта «Олтин тўп»га сазовор бўлган. Бироқ Аргентина асосий жамоаси билан бирорта ҳам соврин ютиб олмаган.

Хосе Антонио Камачо — бутун футболчилик фаолиятини (1973—1989 йиллар) «Реал Мадрид»да ўтказган ва совринларни асосан шу жамоа билан қўлга киритган. Қироллик клубида 414 ўйин ўтказиб, 9 та гол урган. Испания миллий жамоаси таркибида икки марта жаҳон чемпионати, икки марта Европа чемпионатида қатнашиб, чемпион бўлолмаган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг