Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Роналду ва Зидан муносабатлари қандай бўлган?

Роналду ва Зидан муносабатлари қандай бўлган?

Фото: «AP Photo»

«Ювентус» ҳужумчиси Криштиану Роналду «Реал Мадрид»даги мураббийи, француз Зайниддин Зидан билан ишлаган ҳамда орттирган тажрибаларини эслади. Португалиялик ўйинчининг сўзларини «Goal.com» тақдим этмоқда.

Ҳужумчининг таъкидлашича, Зидан «галактикос» мураббийи этиб тайинлангач, чин маънода унинг ҳақиқий фанатига айланди. «Унинг ҳаёт тарзи, муомаласи, жамоани бошқариш салоҳияти ва менга бўлган муносабати, ҳамма-ҳаммасининг», — дейди Роналду. Португалияликнинг айтишича, Зидан унга доим ишонган ва очиқ, самимий муносабатда бўлган.

«Шунинг учун ҳам мен бу дўстликни ҳамиша юрагимда сақлайман», — деб ваъда беради ҳужумчи. Унинг таъкидлашича, Зидан, ҳақиқатан, яхши инсон ва ажойиб мураббий.

Роналду ва Зидан «Реал»да 2016 дан 2018 йилгача бирга ишлашди ва бу вақт ичида бир марта Испания чемпионатини қўлга киритиб, уч бора Европа чемпионлар лигаси чемпиони бўлишди. 2018 йилнинг май ойида француз Мадриддан кетмоқчи эканини эълон қилди, орадан икки ой ўтиб, португалиялик ҳужумчи ҳам жамоани тарк этди. Жорий йилнинг қиш фаслида Зидан «Реал»нинг мураббийлик постига қайтди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг