Олий таълим муассасаларининг мустақил фаолиятига оид янгиликлар билан танишинг.

- Академик ва ташкилий-бошқарув бўйича мустақил қарор қабул қилиш ваколати берилади.

- Ўқув режа ва адабиётлари, фан дастурларини жорий этиш, профессор-ўқитувчилар ўқув юкламасини, йўналишидан келиб чиқиб, таълим шаклларини (кундузги, кечки, сиртқи, масофавий) белгилашни олийгоҳ бошқарув кенгашининг ўзи ҳал қилади.

- Нуфузли хорижий нашрларда мунтазам мақолалар чиқариб келаётган, шунингдек шогирдлари илмий ишларини ўз вақтида ва сифатли ҳимоя қилган илмий раҳбарларга 5 тагача докторант ва 3 тагача мустақил изланувчи олиш ҳуқуқи берилади (ҳозирда 3 тагача докторант ва мустақил изланувчи олиши мумкин).

- Ҳар йили мавжуд 1,5 мингта кафедраларнинг 1 нафардан ёш олимларини хорижий нуфузли олийгоҳларга стажировкага юбориш йўлга қўйилади.

- Ҳар бир кафедра қошида илмий-тадқиқот марказларини ташкил этилади, ҳар бир ректор ўқув, лаборатория ва бошқа моддий-техника воситаларига камида 1 миллиард сўмдан маблағ ажратади.

- Олийгоҳларнинг камида 1 нафар проректори чет элда ўқиган малакали мутахассислардан тайинланади.

- 30 та олийгоҳ танлаб олиниб, келгуси йил 1 январдан молиявий мустақиллик берилади.