Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Феврал ойидаги тест синовлари учун ҳужжатлар қабули бошланди

Феврал ойидаги тест синовлари учун ҳужжатлар қабули бошланди

Фото: «Xabar.uz»

Бугун, 1 феврал куни Давлат тест маркази ва унинг ҳудудий бўлимларида феврал ойида бўлиб ўтадиган чет тилини билиш ва эгаллаш даражасини аниқлаш тест синовлари учун талабгорларнинг ҳужжатларини қабул қилиш бошланди.

Ҳужжатларни қабул қилиш 5 феврал кунига қадар (шу куни ҳам) давом этади.

Қабул учун тақдим этиладиган ҳужжатлар рўйхати:

  • паспорт (паспорт ёшига етмаганлар туғилганлик ҳақида гувоҳнома) ва унинг нусхаси;
  • онлайн аризанинг чоп этилган нусхаси;
  • тўлов амалга оширилганлик тўғрисида ҳужжат нусхаси (квитанция).

Ҳужжатларни топширишдан олдин талабгорлар тест синови учун рўйхатдан ўтишлари лозим.

Рўйхатга олиш биометрик паспорт ёки ID-картага эга бўлганлар учун my.dtm.uz сайти орқали, биометрик паспорт ёки ID-картага эга бўлмаганлар учун эса Давлат тест маркази ва унинг ҳудудий бўлимларида амалга оширилмоқда.

Бунда талабгорлар тест топшириш ҳудуди сифатида Қорақалпоғистон Республикаси, вилоятлар ва Тошкент шаҳридан бирини танлаб, ўзлари танлаган ҳудудда тест синовларида иштирок этишлари мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг