200 доллардан арзон энг яхши Хитой смартфонлари аниқланди
«GizChina» портали муаллифлари нархи $200 гача бўлган энг яхши Хитой смартфонлари рейтингини тузишди. Бу ҳақда «Regnum» ёзмоқда.
Ушбу категорияда «Xiaomi» компанияси сентябрь ойида тақдим этган «Redmi Note 8» қурилмаси энг яхши деб топилди. «Snapdragon 665» процессорига қурилган смартфон асосий 48 мегапикселли камераси, 6,3 дюймли (Full HD+) катта экрани билан ажралиб туради.
«Oppo» компаниясининг «Realme 5» смартфони иккинчи ўринда. Бу қурилма ҳам «Snapdragon 665» процессорида ишлайди. Бу смартфон гарчи фото ва видео олиш имконияти билан «Xiaomi»дан ортда қолса-да, батареяси сиғими бўйича устун (5000 мАс — 4000 мАс).
Кучли бешликка «Realme Q» («Oppo»), «Note 9» («Meizu») ҳамда «Mi CC9e» («Xiaomi») ҳам киритилган.
Маълумот учун: рейтингни тузишда қурилмаларнинг Хитой интернет-дўконларидаги ўртача нархлари эътиборда тутилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter