GameDev Goethe ўйин яратиш инкубатори – бу дизайн, дастурлаш, овозли дизайн ва шу каби кўплаб кўникмаларни ўзлаштирмоқчи бўлган барча ихлосмандлар учун мўлжалланган лойиҳа ҳисобланади.

Ушбу инкубатор барча хоҳловчилар мобил ўйинни ривожлантириши, билим олиши, тажриба орттириши, нетворкингини кенгайтириши ва портфолио йиғиши мумкин бўлган жой. Шунингдек, лойиҳада иштирок этиш мутлақо бепул.

Ўзбекистондаги ўйин яратиш бўйича биринчи инкубаторнинг мақсади – ўйин ўйнашга қизиқадиган ёшларга муштарак фикрларни топишда ва ўз ўйинларини яратишда ёрдам беришдан иборат. Лойиҳа давомида ўйинни яратиш соҳасида кўп йиллик тажрибага эга бўлган тажрибали мутахассислар томонидан кўмак кўрсатилади.

Лойиҳа IT Park ва VRonica кўмагида Тошкентдаги Goethe Institute томонидан ташкил этилди.

Инкубаторнинг янги тўлқинида иштирокчиларни янги спикерлар, янги «chellenglar», ажойиб нетворкинг ва, албатта, қимматбаҳо тажриба кутмоқда.

Ўқиш жараёни 3 ойдан ортиқ давом этади. Дастур давомида иштирокчилар жамоа тузишлари, ўйин яратишнинг энг муҳим жиҳатлари: дастурлаш, дизайн, анимация, лойиҳаларни амалга ошириш бўйича энг тажрибали мутахассислардан бебаҳо билим олишлари мумкин.

Қолаверса, дастур давомида иштирокчилар ўртасида «Видео Прототип Кубоги» ҳамда «Ўйин Прототипи Кубоги» каби танловлар бўлиб ўтади.

Дастур якунлангандан сўнг, иштирокчилар ўз ўйинларини Demo Dayда намойиш этишади ва қимматбаҳо совғаларга эга бўлишади.

Айни дамда GameDev Goethe 2021 ўйин яратиш инкубаторининг иккинчи тўлқинига саралаш ишлари олиб борилмоқда. Иккинчи тўлқинда иштирок этиш учун аллақачон 200 дан ортиқ аризалар келиб тушган! Шошилинг, чунки жойлар сони кам қолди!

Рўйхатдан ўтиш: https://forms.yandex.ru/u/5e99a97a52be1345091fbfe2/

Рўйхатдан ўтиш муддати 2021 йил 28 февралга қадар.

Ҳавола орқали инкубаторнинг биринчи тўлқини қандай ўтгани ҳақида билиб олишингиз мумкин.