Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Microsoft» нейротармоқ асосида ишлайдиган офлайн-таржимонни тақдим этди

«Microsoft» нейротармоқ асосида ишлайдиган офлайн-таржимонни тақдим этди

Фото: «Hi-News»

«Microsoft» компанияси нейротармоқлар алгоритми асосида ишлайдиган анча сифатли офлайн-таржимонни тақдим этди», — деб хабар беради «Hi-News». Ундан фойдаланиш учун интернет талаб этилмайди.

«Microsoft Translator»нинг қайта ишланган версияси араб, хитой (соддалаштирилган), француз, немис, италян, япон, корейс, португал, рус, испан ва тай тилидан таржима қилади. Таржима сифати бошқа дастурларга нисбатан ўртача 23 фоиз ўсди», — дейди «Microsoft» дастурчилари.

Таъкидлаш керакки, нейротармоқли таржима функцияси 2017 йилнинг кузида ишга туширилган, бироқ ундан фақатгина интернет орқали фойдаланиш мумкин эди.

Нейротармоқ алгоритмлари билан таниқли «Google» таржимони яхши ишлайди, бироқ онлайн режимда. У орқали жумлаларни муаммосиз таржима қилиш мумкин бўлса-да, тўлақонли суҳбатлашишнинг имкони ҳозирча барибир йўқ.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг