Denovda 18 ta savdo ob’yekti yonib ketdi
Joriy yilning 24-fevral kuni soat 05.37da, Surxondaryo viloyati Denov tumani «Bahoriston» mahallasi Mustaqillik ko‘chasi 79-uyda joylashgan, YaTT «Allayev Xaydarxon To‘xtayevich»ga tegishli 2 qavatli savdo majmuasining 2-qavatida yong‘in sodir bo‘lgan. Buning oqibatida, 18 ta savdo obektlari, umumiy maydoni 630 metr kv. qismi yong‘indan zararlangan.
FVV matbuot xizmatining xabar berishicha, voqea joyiga Surxondaryo viloyati favqulodda vaziyatlar boshqarmasining 7 ta yong‘in-qutqaruv ekipaji yetib borgan. Qutqaruvchilarning olib borgan harakatlari natijasida binoning 1680 metr kv. qismi yong‘indan saqlab qolingan.
Yong‘in sababi va moddiy zarari aniqlanmoqda. Tan jarohati olganlar yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter