Argentina futbol bo‘yicha chempionatining uchinchi divizioni o‘yinlaridan birida g‘alati voqea sodir bo‘ldi: «Xuventud Unida Gualeguaychu» va «Defensores de Belgrano de Vilya Ramalo» jamoalari o‘rtasida kechgan bahsda kutilmaganda maydonga yugurib chiqqan it darvozaga kirib ketayotgan golni yo‘qqa chiqardi. Bu haqda «UCSG TV» telekompaniyasi xabar berdi.

Juventud Unida de Gualeguaychú goleaba a Defensores de Belgrano de Villa Ramallo por 3 a 0 y casi aumenta la ventaja luego de un error del arquero, que fue 'salvado' por otro guardameta muy especial.

Se trata de un perro que se metió al campo de juego. pic.twitter.com/WTnBoNhsON

— UCSG Televisión (@ucsg_tv) 4 dekabrya 2018 g.

Videodan ko‘rinib turibdiki, darvozabon to‘pni maydonning ikkinchi yarmiga uzatib bermoqchi bo‘lgan, biroq raqib oyog‘iga tekkan to‘p qaytib to‘ppa-to‘g‘ri darvozaga kirib keta boshlagan. Darvoza oldidan shitob bilan chopib o‘tayotgan it esa «oxirgi himoyachi» vazifasini bajarib berdi.

To‘g‘ri, gol baribir hisobga olinmasdi, raqib darvozabonga nisbatan qoidani buzgandi, biroq kamdan-kam kuzatiladigan voqea muxlislarni befarq qoldirmadi.