«Qamchiq»da yuk mashinasi YTHga uchradi va yonib ketdi
FVV qutqaruvchilari «Qamchiq» dovonida YTH oqibatida paydo bo‘lgan yong‘inni bartaraf etdilar.
Hodisa bugun, 8 iyul kuni ertalab soat 07:00 lar atrofida, «Toshkent-O‘sh» xalqaro avtomobil yo‘lining 242-kilometrida sodir bo‘lgan. «Qamchiq» dovoni orqali harakatlanayotgan paxta tolasi ortilgan yuk mashinasi haydovchisi boshqaruvni yo‘qotishi natijasida qarama-qarshi yo‘lga chiqib ketgan. Oqibatda yuk mashinasi yonib ketgan.
Mashina haydovchisi salondan chiqib ketishga muvaffaq bo‘lgan va shu sababli jiddiy jarohat olmagan.
FVVning «Qamchiq» maxsus qidiruv, yong‘in-qutqaruv boshqarmasi xodimlari zudlik bilan voqea joyiga yetib borib, bir necha daqiqada yong‘inni bartaraf etishdi. Natijada mashinaga ortilgan yuklarning katta qismi yong‘indan saqlanib qolingan. Hodisa natijasida jabrlanganlar yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter