Xabarlar tezkor Telegram kanalimizda Obuna bo'lish ×

Samarqanddagi 9 qavatli uyda portlash sodir bo‘ldi (foto)

Samarqanddagi 9 qavatli uyda portlash sodir bo‘ldi (foto)

Foto: «Xabar.uz»

Joriy yilning 8-iyundan 9-iyunga o‘tar kechasi, taxminan soat 00.45 larda Samarqand shahrida 9 qavatli uyning 1-chi qavatida portlash sodir bo‘ldi, jarohat olganlar yo‘q, deb xabar bermoqda «Zarnews.uz»

Nashrning yozishicha, ushbu ko‘p qavatli uy shahardagi 24-sonli o‘rta maktabning yaqinida joylashgan bo‘lib, mahalliy aholi tomonidan «Titanik» deb ataladi.

Foto: «Xabar.uz»

Guvohlarning so‘zlariga ko‘ra, voqea sodir bo‘lgan paytda xonadonda hech kim bo‘lmagan.  Hozirgi vaqtda uy egasi oilasi bilan chet elda. Vaqti-vaqti bilan opasi kelib uydan xabar olib turgan.

Foto: «Xabar.uz»

Xabar berilishicha, yong‘in xavfsizligi xodimlari tomonidan yong‘in tezda bartaraf etilgan.

Ayni paytda yong‘inning kelib chiqish sababi va yetkazilgan moddiy zarar aniqlanmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring