Toshkent metrosida kuzatilgan elektr energiyasi bilan bog‘liq muammoga izoh berildi
Bugun, 27-noyabr kuni, Toshkent metrosining «O‘zbekiston» yo‘nalishidagi bekatlarni elektr energiyasi bilan ta’minlovchi stansiyalarda kuchlanishning qisqa muddatli pasayishi qayd etildi. Bu holatga «Toshkent metropoliteni» izoh berdi.
Qayd etilishicha, soat 10:42da metroning «G‘afur G‘ulom», «Alisher Navoiy» bekatlarida yoritish moslamalari ishida nosozlik qayd etilgan hamda eskalatorlar harakati to‘xtab qolgan. Bir daqiqadan so‘ng, soat 10:43da, barqaror elektr ta’minoti to‘liq tiklangan.
Ushbu hodisa poyezdlar harakati jadvaliga ta’sir qilmagan. Poyezdlarning harakatiga elektr energiyasi yetkazib berishda boshqa ta’minotdan foydalaniladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter