«Hamroqulov ishi»ga oid ochiq sud majlisiga jurnalist kiritilmadi
Andijonda shov-shuvli jinoyat ishi ochiq sud majlisida ko‘rib chiqila boshlandi. Mazkur ish og‘ir yoki o‘ta og‘ir jinoyatlar turkumiga kirmaydi. Uning shov-shuvga sabab bo‘lgani - Andijon shahar IIB xodimi fuqaro J. Hamroqulovni kaltaklab, momataloq qilvorganiga qaramay oxir-oqibat ayblanuvchiga emas, aksincha, jarblanuvchiga aylanganidadir. Garchi holatga Bosh prokuratura o‘z vaqtida izoh bergan bo‘lsa-da, ochiq qolgan savollar ko‘pligi bois ayni voqelikka jamoatchilikning qiziqishi katta edi.
Kuni kecha mazkur jinoyat ishi bo‘yicha sud muhokamasi boshlandi. Biroq jinoyat ishlari bo‘yicha Marhamat tuman sudida bo‘lib o‘tgan sud majlisiga «Sevimli» kanalining «Zamon» dasturi muxbiri qo‘yilmadi. Tuman sudi tomonidan bunga izoh berilmagani ham aytilayotir.
«IIB xodimi tomonidan kaltaklangan fuqaroning sudida ommadan yashiriladigan gaplar bormidi?» deya og‘riqli savol qo‘yadi telekanal xodimi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter