Toshkentda bola o‘g‘risi ushlandi
10-iyun, yakshanba kuni Toshkent shahri Chilonzor tumanida yashovchi 2 yoshli Ziyodullayev Sarvarbekning yo‘qolgani to‘g‘risidagi xabar va gumon qilinayotgan ayol fotosurati ijtimoiy tarmoqlarda tarqalgandi. Milliy gvardiya matbuot xizmati «Daryo» nashriga bolaning topilgani to‘g‘risida xabar bergan.
Milliy gvardiyaning tezkor guruhi qidiruv e’lon qilinganidan bir necha soat o‘tib, aniqrog‘i 22:30 da yo‘qolgan bola topildi va ota-onasining bag‘riga qaytarildi.
Bolani Toshkent shahar Shayxontohur tumanida yashovchi, 1974-yilda tug‘ilgan ayol o‘g‘irlagani aniqlandi. Aybdor Chilonzor tuman Ichki ishlar organlari faoliyatini muvofiqlashtirish boshqarmasiga topshirildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter