2020-yil 10-yanvarda o‘tkaziladigan auksion savdolarida milliy valyutadagi Markaziy bank obligatsiyalarini joylashtirish to‘g‘risida xabar berdi.

O‘zbekiston Respublikasi Markaziy banki 2020-yil 10-yanvarda «O‘zbekiston respublika valyuta birjasi» aksiyadorlik jamiyati (O‘zRVB)ning savdo tizimida Markaziy bank obligatsiyalarini quyidagi shartlar asosida birlamchi joylashtirilishini e’lon qiladi.

Joylashtirish usuli: O‘zRVB savdo tizimida auksion orqali ochiq sotuv.

Emitent – O‘zbekiston Respublikasi Markaziy banki.

Auksionda joylashtiriladigan obligatsiyalar rekvizitlari:

• Obligatsiya turi: Markaziy bank obligatsiyalari;
• identifikatsion raqam: 22001CBUSS;
• bir dona obligatsiyaning nominal qiymati: 1 000 000 (bir million) so‘m;
• joylashtirish sanasi: 2020-yil 10-yanvar;
• chiqarilish hajmi: 250 000 000 000 (ikki yuz ellik milliard) so‘m;
• muomala davri: 180 kun;
• obligatsiyalarning so‘ndirish sanasi: 2020-yil 10-iyul;
• foiz stavkasi: yillik 16%;
• kupon davri: 3 oy.

Kupon to‘lovlarini amalga oshirish sanalari:

• birinchi davr: 2020-yil 10-aprel;
• ikkinchi davr: 2020-yil 10-iyul;
• Auksion o‘tkazish shartlari:
• arizalarni qabul qilish vaqti: 09:30 – 11:30;
• arizalarni qondirish vaqti: 15:00 – 16:00;
• to‘lov valyutasi: so‘m;
• auksion savdolarida raqobatsiz buyurtmanomalar qabul qilinmaydi;
• bitimlar qiymatini yaxlitlash: matematik yaxlitlash usuli bilan verguldan keyin ikkita belgigacha.