Belarus avikompaniyasi Toshkentga parvozlarni yo‘lga qo‘yadi
Joriy 2020-yildan Belarusning «Belavia» aviakompaniyasi Toshkentga muntazam parvozlarni amalga oshirishni boshlaydi. Bu haqda Belarus transport va kommunikatsiya vazirligi, aviatsiya departamenti direktori Artem Sikorskiy STV telekanali efirida ma’lum qilgan.
«O‘tgan yili kompaniyaning mashrurtlari tarmog‘i soni 55 taga yetdi. Bu yil yana uchta yo‘nalish qo‘shiladi: Toshkent, Vena va Reus shaharlariga », - dedi Sikorskiy.
Ayni damda O‘zbekiston va Belarus o‘rtasida to‘g‘ridan to‘g‘ri reyslar mavjud emas.
«Belavia» mamlakatning yirik aviakompaniyalaridan sanalib, 1996-yil tashkil etilgan. Yevropa, Osiyo va MDH bo‘ylab parvozlarni amalga oshiradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter