Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Dam olish kunlari ham «Botanika bog‘i»da urush davriga oid ekspozitsiyalar aholi uchun ochiq bo‘ladi

Dam olish kunlari ham «Botanika bog‘i»da urush davriga oid ekspozitsiyalar aholi uchun ochiq bo‘ladi

Foto: Mudofaa vazirligi matbuot xizmati

Kecha, 9-may — Xotira va qadrlash kuni munosabati bilan poytaxtimizdagi «Botanika bog‘i»da tantanali bayram marosimi o‘tkazildi. Kun davomida bog‘ hududidan o‘rin olgan urush davriga oid harbiy texnikalar, qurol-aslaha hamda o‘sha davrni o‘zida ifodalagan ko‘rgazmalar namoyish etildi.

Respublika aholisiga qulaylik yaratish maqsadida bog‘ hududiga shanba va yakshanba kunlari (11—12-may) soat 10:00 dan bepul kirib-chiqish ta’minalanadi. Shu kunlarda bog‘ hududidan o‘rin olgan barcha ekspozitsiyalar to‘lig‘ligicha faoliyat ko‘rsatadi.

Foto: Mudofaa vazirligi matbuot xizmati

Hozirda bog‘da hamyurtlarimiz uchun Ikkinchi jahon urushi davriga oid «T-34a», «IS-2» tanklari, o‘ziyurar artilleriya qurilmalari, Shoahmad Shomahmudovning oilasiga bag‘ishlangan ekspozitsiya, urush yillarida faoliyat olib borgan qishloq kengashi binosi, zirhli va harbiy avtomobil namunalariva boshqa shu turdagi ko‘plab installyasiyalar o‘rin olgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring