COVID-19: Britaniyada mudhish holat qayd etildi
Buyuk Britaniyada tasdiqlangan koronavirus holatlari soni o‘tgan bir kecha-kunduzda 25 177 kishini tashkil etdi, 492 bemor hayotdan ko‘z yumdi — bu «ikkinchi to‘lqinning» yangi antirekordi, deyiladi mamlakat sog‘liqni saqlash vazirligi axborotida.
Tunov kuni 20 018 kishi koronavirusni yuqtirib, 397 bemor vafot etgandi.
Pandemiya boshlangandan beri mamlakatda jami 1 099 059 kishida koronavirus aniqlandi, 47 742 bemor olamdan o‘tdi, qariyb ikki milliondan ortiq test o‘tkazildi.
Payshanba kuni Angliyada yangi milliy karantin boshlanadi: u 2-dekabrgacha davom etadi. Hududda bahorgi lokdaunga o‘xshash choralar joriy etiladi. Bog‘cha, maktab, universitet va sanoat korxonalari bundan mustasno — ularga ishni davom ettirish tavsiya etiladi. Dam olish, ko‘ngilochar va mehmondorchilik kabi tadbirlar, jumladan, bar va restoranlar faoliyati to‘xtatiladi. Odamlarga zarurat bo‘lmaganda uydan chiqish mumkin emas.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter