AQShda koronavirusni yuqtirganlar soni yarim milliondan oshdi, bir sutkada 2108 kishi vafot etdi
AQShda kecha COVID-19 kasalligiga chalingan 2108 nafar bemor vafot etdi. Bu haqda Jons Hopkins universiteti ma’lum qildi.
Qo‘shma Shtatlarda qurbonlar soni borgan sayin ko‘paymoqda: 7-aprelda — 1736 nafar, 8-aprelda — 1973, 9-aprelda — 1783 nafar. 10-apreldagisi eng yirigi bo‘ldi — 2 108 nafar qurbon! Koronavirus pandemiyasi boshlanganidan beri hali hech bir mamlakatda bunaqa ko‘rsatkich qayd etilmagandi.
Jons Hopkins universiteti ma’lumotlariga ko‘ra, ayni paytga kelib AQShda koronavirus hayotdan olib ketganlar soni 18 693 kishiga yetdi, shulardan 6 ming nafari mamlakatdagi koronavirus epitsentri Nyu-York shtatida yashab kelgan fuqarolar.
Oxirgi ma’lumotga ko‘ra, AQShda koronavirusni yuqtirish bo‘yicha 500 399 ta holat aniqlangan. Shulardan 28 837 nafari to‘liq tuzalib ketgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter