BMT Bosh kotibi Antoniu Guterresh Isroil-Falastin mojarosini hal qilish yo‘lini taklif etdi. Shunday qilib, tashkilot rahbarining so‘zlariga ko‘ra, ushbu vaziyatdan chiqishning yagona yo‘li — poytaxt Quddusda ikkita davlat yaratish bo‘yicha muzokaralarga qaytish.

«Yagona yo‘li — BMTning tegishli qarorlari, xalqaro huquq va avvalgi kelishuvlarga asosan Quddus ikkala davlatning poytaxti sifatida tinch, xavfsiz va o‘zaro hurmat asosida yonma-yon yashaydigan ikki davlatni yaratish maqsadidagi muzokaralarga qaytish», — dedi u.

Avvalroq 16-may kuni Falastin-Isroil mojarosi avj olganidan beri qurbonlar soni ma’lum qilingandi. Shunday qilib, Falastin-Isroil mojarosi avj ola boshlaganidan beri 10 isroillik o‘ldirildi. Isroil tomonidan o‘q uzilishi natijasida Falastin 200 dan ortiq odamni yo‘qotdi.

Mojaroning avj olishi 1967-yilgi Olti kunlik urushdan keyin shaharning sharqiy qismida Isroil nazoratini kengaytirish sharafiga nishonlanadigan Quddus kunida isroilliklar va falastinliklar o‘rtasidagi to‘qnashuvlar fonida boshlandi. Falastin Sharqiy Quddusni (Al-Quds) bosib olingan hudud deydi va bu BMT Xavfsizlik Kengashining qarorlari bilan qo‘llab-quvvatlanadi. Isroil esa Quddusni o‘zining yagona va bo‘linmas poytaxti deb biladi.