Farg‘onada o‘zini yoqib yuborgan neft zavodi ishchisi shifoxonada vafot etdi
Joriy yilning 2-avgust kuni Farg‘ona neftni qayta ishlash zavodi binosining kirish qismida o‘ziga benzin sepib, yoqib yuborgan 47 yoshli ayol – Sanobar Haydarova shifoxonada vafot etdi.
«Daryo»ning manbasiga ko‘ra, ayol bugun, 10-avgust kuni soat 07:05 da Respublika shoshilinch tibbiy yordam ilmiy markazi Farg‘ona filialida vafot etgan.
Eslatib o‘tamiz, uning o‘z joniga qasd qilishiga, ishdan bo‘shatilgani sabab ekanligi aytilgan edi. Ma’lum bo‘lishicha, u oilada yolg‘iz boquvchi bo‘lgan. Turmush o‘rtog‘i ishsiz, 4 nafar farzandi bo‘lgan.
Mazkur holat yuzasidan Farg‘ona shahar prokuraturasi tomonidan tergovga qadar tekshiruv olib borilayotgani aytilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter