Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Namanganda voyaga yetmagan talonchilar ushlandi

Namanganda voyaga yetmagan talonchilar ushlandi

Foto: Tergov departamenti

2021-yilning 24-fevral kuni soat 19:30larda noma’lum shaxslar Namangan shahri Davlatobod tumani Shifokorlar ko‘chasi hududida 18 yoshli Muxsiddin E.ni to‘xtatib, yuz qismiga bir marotaba urib, unga tegishli narxi 1 000 000 so‘mlik  «Huawei E62» rusumli uyali aloqa vositasini ochiqdan-ochiq tortib olib, hodisa joyidan yashiringanlar.

Tergov departamenti xabar berishicha, olib borilgan tergovga qadar tekshiruv harakatlari davomida, ushbu jinoyatni 48-sonli maktabning 11-sinf o‘quvchilari 17 yoshli Javlon J., Ilyosbek X.lar sodir etib, talonchilik yo‘li bilan qo‘lga kiritgan telefon apparatini 450 000 so‘mga sotib yuborganliklari aniqlanib, protsessual tartibda ushlanganlar.

Mazkur holat yuzasidan Namangan shahri Davlatobod tumani IIB huzuridagi Tergov bo‘limi tomonidan Javlon J. va Ilyosbek X.larga nisbatan O‘zbekiston Respublikasi Jinoyat kodeksining 166-moddasi 2-qismi «v» bandi (talonchilik)  bilan jinoyat ishi qo‘zg‘atilgan.

Hozirda tergov harakatlari davom etmoqda.

Ma’lumot uchun, bu turdagi jinoyatlar uchun Jinoyat kodeksining normalariga ko‘ra, 3 yildan 5 yilgacha ozodlikni cheklash yoxud 3 yildan 5 yilgacha ozodlikdan mahrum qilish jazosi tayinlanadi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring