O‘zi ishlagan joydan 13 ta televizor o‘g‘irlagan Jahongir qo‘lga tushdi
Bir muddat avval huquqni muhofaza qiluvchi organlarga MChJlardan birining rahbari, 35 yoshli Zafar I. murojaat qildi. U joriy yilning aprel oyidan avgustga qadar tashkilotdan qiymati 29.000.000 so‘mga teng bo‘lgan 13 ta televizor o‘g‘irlagan 28 yoshli Jahongir S.ga nisbatan chora ko‘rishni so‘radi.
Tergov davomida Jahongir S. televizorlarni sotib, pullarni o‘z ehtiyojlariga sarflab yuborganini tan oldi. Unga nisbatan O‘zbekiston Respublikasi Jinoyat kodeksining 169-moddasi («O‘g‘rilik») bo‘yicha jinoiy ish qo‘zg‘atildi.
Hurmatli tadbirkorlar! Fursatdan foydalanib, tashkilotlaringizda mulkingizni qo‘riqlash bo‘yicha zarur xavfsizlik choralarini ko‘rishingizni so‘raymiz.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter