Rossiya neftining narxi «suv tekin» bo‘lib bormoqda
Shimoliy-G‘arbiy Yevropaga yetkazib beriladigan Rossiyaning Urals neftining narxi bir barrel uchun 18,64 dollargacha tushib ketdi. Bu haqda «RIA Novosti» xabar bermoqda.
Qayd etilishicha, bu 2002-yil boshidan buyon kuzatilayotgan eng past narxdir.
Eslatib o‘tamiz, shu yilning mart oyida OPEK+ shartnomasi bekor bo‘lishi tufayli neft bozorida qulash yuz berdi.
Shartnomaning o‘z kuchini yo‘qotishiga Saudiya Arabistoni qazib olishni yanada qisqartirishni talab qilgani, Rossiya esa bunga ko‘nmagani sabab bo‘ldi. Natijada, tomonlar kelisha olmadi. Shundan so‘ng, Saudiya Arabistoni neft qazib olishni ko‘paytirdi, narxlarni pasaytirib, xaridorlarga katta miqdorda mahsulot chiqardi. Bu esa jahon bozoridagi neft narxining keskin pasayishiga olib keldi. Yil boshidan buyon narxlar ikki baravar tushib ketdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter