Tramp: «Xitoy koronavirus sabab kamida 10 trln. dollar tovon to‘lashi kerak»
AQSh sobiq prezidenti Donald Tramp Xitoy koronavirus pandemiyasi sabab boshqa mamlakatlarga kamida 10 trillion dollar tovon to‘lashga majbur deya hisoblaydi. Tramp bu haqda Shimoliy Karolinada bo‘lib o‘tgan respublikachilar anjumani paytida aytib o‘tdi.
«Amerika va butun dunyo Xitoy Kommunistik partiyasidan tovon puli va hisobdorligini talab qiladigan vaqt keldi. Biz bir ovozdan Xitoy zararlar uchun pul to‘lashi kerakligini e’lon qilishimiz kerak», - dedi Tramp.
Amerika Qo‘shma Shtatlarining sobiq rahbarining so‘zlariga ko‘ra, Xitoyda ishlab chiqarilgan barcha tovarlarga iloji boricha tezroq 100 foiz bojlarni joriy qilish kerak.
Tramp o‘z prezidentligi davrida ham Xitoyn koronavirus kelib chiqishida ayblab kelgandi. O‘z navbatida rasmiy Pekin buni rad etib keladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter