Turkiyadan O‘zbekistonga beg‘araz yordam keldi
Turkiya hukumati tomonidan O‘zbekistonga beg‘araz yordam sifatida COVID-19ga qarshi Xitoyda ishlab chiqarilgan «Sinovak» vaksinasi olib kelinishi haqida xabar berilgandi.
SSV xabariga ko‘ra, bugun tongda Istanbul – Toshkent reysi bilan mamlakatimizga keltirgan «Sinovak» vaksinasining 200 ming dozasi shuningdek, 20 ming quti «Favipiravir» dori preparati yurtimiz vakillari tomonidan qabul qilib olindi.
O‘zbekiston va Turkiya hukumatlari o‘rtasida sog‘liqni saqlash sohasida grant yordamiga oid imzolangan bitim asosida olib kelingan «Sinovak» vaksinasi mamlakatimizga keltirilgan oltinchi vaksinadir.
Shunday qilib, yurtimizga emlash jarayonlarida foydalanilayotgan jami vaksina 28 673 528 dozani tashkil qilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter