Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Habib Nurmagomedovning otasi o‘g‘li karerasini qachon tugatishini e’lon qildi

Habib Nurmagomedovning otasi o‘g‘li karerasini qachon tugatishini e’lon qildi

Foto: «Instagram»

Habib Nurmagomedov yana ikki-uchta jang o‘tkazgach, karerasini tugatadi. Bu haqda uning otasi Abdulmannop «Fight Nights Global TV»ning Youtube-kanalida ma’lum qildi, deb yozadi «Rambler».

Abdulmannop Nurmagomedov UFC doirasida o‘g‘lining Konor Makgregor bilan yana bir jang o‘tkazish ehtimoli juda kamligini, lekin nazariy jihatdan bo‘lishi mumkinligini tan oldi — buning uchun Habib bilan jang qilish huquqiga ega ikki jangchi o‘z huquqlarini rad etishi kerak.

Katta Nurmagomedov irlandiyalik uchun boshqa bir rossiyalik — Islom Maxachev bilan olishuvi katta jang bo‘lishi mumkinligini aytdi.

Islom o‘zining chempionlik maqsadiga erishish uchun yo‘lida duch kelgan hamma narsani yakson qiladi, — deydi u.

Abdulmannop Nurmagomedovning fikricha, Maxachev bir-ikkita jangdan so‘ng chempionlik unvoni uchun jang qilishi mumkin. Habib esa ikki-uchta jangdan keyin «ketishi kerak».

Iyul oyida katta Nurmagomedov o‘g‘lining sport karerasini tugatish vaqti yaqinlashayotganidan xavotirlanmayotganini, chunki unga o‘rinbosar tayyorlab qo‘yganini e’lon qilgandi. Uning so‘zlariga ko‘ra, o‘rinbosar Habibdan qolishmaydi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring