Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Yong‘indan qochgan ilonlar, tiriklayin yonayotgan quyonlar: rasmiy munosabat bildirildi

Yong‘indan qochgan ilonlar, tiriklayin yonayotgan quyonlar: rasmiy munosabat bildirildi

Avvalroq ijtimoiy tarmoqlarda Sirdaryo viloyatidagi «Qolgansir o‘rmon-ov xo‘jaligi» sun’iy ravishda yoqib yuborilishi oqibatida yong‘indan qochgan ilonlar aholiga yaqin joylarda ko‘payib ketayotgani, quyonlar va qushlar tiriklayin yonayotgani haqida xabarlar tarqalgan edi. Davlat ekologiya qo‘mitasi mazkur xabarga rasmiy munosabat bildirib o‘tdi.

Xabarga ko‘ra, mazkur murojaat Sirdaryo viloyati Ekologiya va atrof-muhitni muhofaza qilish boshqarmasi tomonidan joyiga chiqib o‘rganilgan. Aniqlanishicha, 19-mart kuni «Qolgansir o‘rmon-ov xo‘jaligi» maydonining 147,2 gektar maydonida yong‘in sodir bo‘lgan. Qattiq yomg‘ir yog‘ishi sababli yong‘in o‘sha kunning o‘zida o‘chgan.

Qayd etilishicha, hozirgi kunda ushbu holat yuzasidan Sirdaryo viloyat Ichki ishlar bo‘limi tomonidan yong‘in chiqish sabablari va yetkazilgan zarar miqdori aniqlanmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring