Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Shavkat Mirziyoyev va Gurbanguli Berdimuhamedov telefon orqali so‘zlashdi

Shavkat Mirziyoyev va Gurbanguli Berdimuhamedov telefon orqali so‘zlashdi

Foto: Prezident matbuot xizmati

O‘zbekiston Respublikasi prezidenti Shavkat Mirziyoyev 30-dekabr kuni Turkmaniston prezidenti Gurbanguli Berdimuhamedov bilan telefon orqali muloqot qildi. Bu haqda davlatimiz rahbarining matbuot xizmati xabar berdi.

Ikki qardosh mamlakat rahbarlari kirib kelayotgan Yangi yil munosabati bilan bir-birlarini samimiy qutladilar.

Joriy yil noyabr oyida Turkmaniston prezidentining O‘zbekistonga amalga oshirgan tashrifi hamda Markaziy Osiyo davlatlari rahbarlarining Toshkentda o‘tgan ikkinchi Maslahat uchrashuvining samarali natijalari mamnuniyat bilan qayd etildi.

Yaxshi qo‘shnichilik va strategik sheriklik ruhidagi munosabatlar mustahkamlangani, eksport-import amaliyotlari hajmining oshgani, energetika, qishloq xo‘jaligi, sanoat va transport sohalarida kooperatsiya loyihalari amalga oshirilayotgani ikki tomonlama hamkorlikning muhim natijalari sifatida e’tirof etildi.

Madaniy-gumanitar almashinuvlarni kengaytirish muhim ekani ta’kidlandi.

Suhbat chog‘ida mintaqaviy hamkorlik va xalqaro siyosatga doir masalalar ham muhokama qilindi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring