Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Habib Nurmagomedovning otasi Qozog‘istondan yordam so‘radi

Habib Nurmagomedovning otasi Qozog‘istondan yordam so‘radi

Foto: «Mmaboxing.ru»

Dog‘istonlik (Rossiya) UFC chempioni Habib Nurmagomedov (28-0)ning otasi Abdulmannop Nurmagomedov, nima qilib bo‘lmasin, amerikalik Toni Fergyuson (25-3)ga qarshi bahorda o‘tkaziladigan jangda  o‘g‘lining yonida bo‘lmoqchi, deb yozadi «Sports.kz».

Ammo bu osonmas: katta Nurmagomedov viza so‘rab qilgan ko‘p karra murojaatlarga AQSh konsulxonasi rad javobini bergan. Boshqa umid qolmagach, u Qozog‘iston orqali hujjat topshirmoqchi.

«Viza olishga urinyapman. Hujjatlarni Qozog‘istonga yubordim. Chaqirishlari kerak. 22-sanada (dekabr) Olmaotada bo‘laman. Suhbatdan o‘tish umididaman», — dedi Abdulmannop Nurmagomedov.

Nurmagomedov — Fergyuson jangi 2020-yilning 8-aprel kuni Nyu-Yorkda o‘tkazilishi belgilangan. Ular oldin ham to‘rt marta o‘zaro jang qilishga urinib ko‘rishgan, ammo har safar jarohatlar pand berib, megafayt amalga oshmay qolgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring