Abituriyentlarga ta’lim yo‘nalishlarini cheklanmagan miqdorda tanlash imkoni beriladi
2021/2022-o‘quv yili qabulida abituriyentlar avvalgidek 5 tagacha emas, test sinovi topshiriladigan fanlari bir xil bo‘lgan cheklanmagan miqdorda ta’lim yo‘nalishlarini tanlashi mumkin bo‘ladi. Bu haqda Davlat test markazi direktori Majid Karimov ma’lum qildi.
— Bunda avvalo «cheksiz tanlov» iborasi xohlagan ta’lim yo‘nalishini tanlashni anglatmaydi va bunday o‘zgarishni joriy etish uchun test sinovi topshiriladigan fanlarga, ularning ketma-ketligidan qat’i nazar, bir xil ball berilishi talab etiladi. Kengroq tushuntirilganda, «cheksiz tanlov» faqat test sinovi topshiriladigan fanlari bir xil bo‘lgan ta’lim yo‘nalishlari doirasida amal qiladi. Bu o‘zgarish ham abituriyentlarning o‘qishga kirish imkoniyatini keskin oshiradi, — deydi Majid Karimov.
Eslatib o‘tamiz, kuni kecha DTM test natijasini ko‘rish yanada osonlashtirilganini ma’lum qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter