Eng arzon 5G-smartfonlar ikki soatga qolmay sotilib ketdi
Bugun, 7-yanvar kuni Xitoyda eng arzon 5G-smartfon — «Redmi K30 5G» birinchi marta sotuvga chiqarildi.
Qurilma o‘tgan yili ikki talqinda (5G va 4G) taqdim etilgandi.
Oddiy «Redmi K30» Xitoyda 2019-yil dekabrida sotuvga chiqqandi, bugun esa 5G-cmartfon ham do‘konlarga chiqdi — faqat eng qimmat jamlanmalisi, ana shu 375 dollarlik smartfonlar ikki soatga qolmay qo‘lma-qo‘l bo‘lib ketdi.
Keyingi partiya 10-yanvar kuni yana xuddi shu narxda sotilishi kutilyapti.
Kompaniya rahbari Ley Szun «Redmi K30 5G»lar hammaga yetadi deb va’da bergandi, aftidan, smartfonlar bunchalik tala-tala bo‘lib ketishini o‘zlari ham kutishmagan.
Darvoqe, sal sabrlilar 14-yanvargacha kutishsa «Redmi K30 5G»ning arzonroq xillari $285 va $330 dan sotuvga chiqarilishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter