Amerikalik taniqli aktyor uyidan o‘lik holda topildi
Gollivud aktyori Tommi Lister 62 yoshida Kaliforniyada vafot etdi. Bu haqda Los-Anjeles okrugi sherifining idorasiga asoslanib TMZ xabar berdi.
Listerning aloqaga chiqmay qo‘yganidan xavotirga tushgan do‘stlari va yaqinlari iltimosiga binoan kvartirasiga kirgan politsiyachilar uning jasadini topishdi.
Hozircha aktyor tabiiy sabablarga ko‘ra vafot etgan deb taxmin qilinmoqda, ammo o‘limining aniq sabablari to‘g‘risida rasmiy xulosa murda tekshirilgandan so‘ng beriladi, deya xabar berdi RT.
«360» telekanalining ma’lum qilishicha, Lister «Juma», «Beshinchi element» va «Universal soldat» filmlaridagi rollari bilan tanilgan.
Yaqinda u «Qora ritsar» jangari filmida paydo bo‘lgandi. Shuningdek, Lister ayrim multfilm qahramonlariga ovoz bergan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter