Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Issiq vanna yurak xuruji va insult xavfini kamaytiradi – olimlar

Issiq vanna yurak xuruji va insult xavfini kamaytiradi – olimlar

Yaponiyalik olimlar issiq vanna qabul qilish qon bosimini pasaytirib, yurak-qon tomir kasalliklari rivojlanish xavfini kamaytirishini va yurak xuruji hamda insultni oldini olishini ma’lum qildi. Bu haqda Daily Mail xabar bergan.

Osaka universiteti tadqiqotchilari 19 yil davomida 45 yoshdan 59 yoshgacha bo‘lgan 43 mingdan ortiq yaponiyaliklarning sog‘lig‘i va odatlarini o‘rganishdi.

Ular issiq vannani tez-tez qabul qilish yurak-qon tomir kasalliklari xavfini 28 foizga kamaytirishini aniqlashdi. Shu bilan birga, issiq suvli vanna yurak kasalligi xavfini 36 foizga, suvi iliq vanna esa 26 foizga kamaytirishi ma’lum qilindi. Umuman olganda, odamlar qanchalik ko‘p yuvinsalar, qon tomirlari va yurak sog‘lig‘iga shunchalik yaxshi ta’sir qiladi, deyiladi olimlar xulosasida.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring