Xabarlar tezkor Telegram kanalimizda Obuna bo'lish ×

Ivanka Trampning hijob o‘ragani bahslarga sabab bo‘ldi (foto)

Ivanka Trampning hijob o‘ragani bahslarga sabab bo‘ldi (foto)

An’anaga ko‘ra Xabar.uz mushtariylari e’tiboriga hafta davomida ro‘y bergan eng muhim 7 hodisa havola etilmoqda.

1. Huquq-tartibot idoralari vakillari jinoyat joyini ko‘zdan kechirmoqda. 19 fevral kuni Germaniyaning Hanau shahrida yashovchi Tobias ismli shaxs chilimxonalarga bostirib kirib, odamlarni o‘qqa tutdi. Oqibatda xorijlik 11 kishi halok bo‘ldi. Gumonlanuvchi shaxs keyinroq uyidan o‘lik holda topildi. Mazkur hujum irqchilik asosida sodir etilgan terakt deb baholanmoqda.

Foto: “Reuters”

2. Suriyaning Idlib shahri yaqinidagi qochqinlar lageri. Bashar Asad hamda uning ittifoqchilari uyushtirgan hujumlar tufayli uyini tark etgan oilalar omonat chodirlarda jon saqlamoqda. Bolalarning hatto tabassumi ham qayg‘u ila qorishib ketgan. 

Foto: “Getty Images”

3.AQSh prezidenti Donald Trampning qizi Ivanka Tramp Birlashgan Arab Amirliklariga safari davomida Abu Dabi shahridagi Shayx Zayd nomli masjidda ham bo‘ldi. Yahudiy diniga e’tiqod qiluvchi Ivankaning hijob o‘ragani va masjidni ziyorat qilgani ijtimoiy tarmoqlarda bahslarga sabab bo‘ldi. 

Foto: “AP”

4.Turkiyaning Elyazig shahrida ro‘y bergan kuchli zilzila jabrdiydalari uchun vaqtinchalik boshpanalar qurish ishlari jadal davom etmoqda. 6,8 balli zilzila payti minglab oila uy-joyidan mosuvo bo‘lgan edi. 

Foto: “Anadolu Ajansı”

5.Qirg‘izistonning Norin viloyatida uyushtirilgan ko‘k bo‘ri – an’anaviy ot sporti musobaqasida qatnashgan chavandoz favqulodda matonat ko‘rsatdi. 

Foto: “Sputnik”

6. Hammol rastaga tarvuz tushirgach hordiq chiqarmoqda. Haydarobod, Hindiston.

Foto:“AFP”

7. AQShning Florida shtatida tashkil etilgan poyga ishtirokchisi Rayan Nyuman Ford Mustang avtomobilida halokatga uchradi. Umridan bor ekan, 42 yoshli sportchi mo‘’jiza tufayli tirik qoldi. 

Foto: “USA Today”

S.Salim tayyorladi

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring