Amerika Qo‘shma Shtatlarida prezidentlik saylovi joriy yilning noyabrida o‘tkaziladi. Quyida o‘z nomzodini qo‘ygan siyosatchilar va ularning mashhur gaplari haqida fikr yuritamiz. 

1. Kichik Jozef R. Bayden

Sobiq vitse-prezident, senator. 77 yoshli demokrat.

Ilgari ikki marta prezidentlikka nomzod bo‘lgan.

- O‘zining shaxsiyati va ishchilar sinfini qo‘llab-quvvatlovchi sifatida tanilgan;
- 2020 yilgi saylov uning prezidentlikka nomzod bo‘lish uchun oxirgi imkoniyati.

«Agar biz Donald Trampga Oq uyda sakkiz yil xizmat qilsak, u Amerika xalqining fe’l-atvorini abadiy va tubdan o‘zgartiradi. Bunday bo‘lishni kuzata olmayman».

Maykl Blumberg

Media magnat, milliarder, Nyu-Yorkning sobiq meri, 77 yoshli demokrat.

O‘n yildan ko‘proq vaqtdan beri prezidentlikka o‘z nomzodini qo‘yib keladi. Demokrat sifatida oktyabr oyida qayta ro‘yxatga olingan.

Saylov dasturida qurol nazorati va iqlim o‘zgarishi haqida ochiq fikrlar aytgan, ammo soliqlarga nisbatan fikri uni Demokratik maydonning konservativ tomoniga olib keladi.

«Donald Trampni mag‘lub etish va Amerikani tiklash — hayotimizning eng muhim va eng dolzarb kurashidir. Va men hammasiga tayyorman».

Pit Buttigig 

Pit Buttigig — Saut-Bendning sobiq meri. 38 yoshli demokrat. Prezidentlikka eng yosh nomzod.

Oliy sudda joylar sonini ko‘paytirish g‘oyasini ilgari surgan birinchi nomzod.

 Saylov kampaniyaning ikkinchi choragida hammadan ko‘proq pul yig‘di.

«Lavozimga intilish — bu umid qilishimning soyasi. Agar siz hukumatimizning qudrati bundan-da ko‘proq va undan foydalanish kerak deb hisoblasangiz, millat hayotini barchamiz uchun yaxshilash uchun qayta ishlab chiqish lozim. Busiz iloji yo‘q».

Patrik Deval 

Massachusets shtatining sobiq gubernatori, «Bain Capital» xususiy sarmoyadorlik firmasi rahbari. 63 yoshli demokrat.

Amerika Qo‘shma Shtatlari tarixidagi ikkinchi qora tanli gubernator bo‘lgan. (2006 yilda, Lourens Duglas Uaylder — birinchi qora tanli gubernator). Sobiq prezident Barak Obamaning yaqin do‘sti.

«Bu safar nafaqat ahamiyatsiz va siz norozi bo‘lgan rahbarni yengish emas, balki uning o‘rniga siz qanday yordam berishingiz muhim».

Berni Sanders

Vermont senatori, sobiq kongressmen. 78 yoshli demokrat.

Demokratik sotsialist, «Medicare for All» va bepul kollej kabi ilg‘or takliflari saylovdagi asosiy quroli bo‘lishi kutilmoqda.

2016 yildagi prezidentlik saylovida Demokratik boshlang‘ich partiyada ikkinchi o‘rinni egallagan.

Hamma uchun ishlaydigan hukumat va iqtisodiyotni yaratishning yagona yo‘li - ushbu saylovda g‘alaba qozonishimiz. Amerika tarixida ilgari hech qachon bunday harakatlar bo‘lmagan»

Tom Steyer 

«Milliarder» fondining sobiq ijrochisi, iqlim o‘zgarishi va impichment faoli. 62 yoshli demokrat. Donald Tramp impichmentining faol tarafdori. Uning impichmenti talab qilinadigan televizion reklamalarga millionlab dollarlarni sarf etgan ekologik faol.

«Amerikaliklar Vashington qilayotgan munosabatdan xafa».

Elizabet Uorren

Massachusets shtati senatori, sobiq Garvard universiteti profesori. 70 yoshli demokrat. «Hukumatda katta tarkibiy o‘zgartirishlar» tarafdori. Amerika iqtisodiyotini qayta shakllantirmoqchi, aholining o‘rta qatlami «xaloskori».

«Vashingtonga borib, singan hukumatimizni, shu qatorda tepada turgan ayolni tuzatish vaqti keldi».

Donald Tramp

AQShning amaldagi prezidenti, biznesmen, teleyulduz. 73 yoshli respublikachi.

Prezident lavozimidagi asosiy qonunchilik faoliyati: soliqlarni qisqartirish va bu orqali korporatsiyalar hamda badavlat investorlarga foyda keltirdi.

Obama hukumatining ishlarini faol qoralovchisi. Tramp sobiq prezident Obamaning sog‘liqni saqlash, atrof-muhitni tartibga solish va immigratsiya sohasidagi siyosatini bekor qilishga e’tibor qaratdi.

Impichment so‘rovida g‘alaba qozondi.

Tramp bu safar migratsiyani cheklash va Meksika chegarasida devor qurish; savdo, qurol nazorati va iqlim o‘zgarishi bo‘yicha xalqaro bitimlarni qayta kelishish yoki bekor qilish; chet ellardan Amerika qo‘shinlarini olib chiqishni ilgari surmoqda.

«Biz dastlabki ikki yil ichida har qanday ma’muriyatdan ko‘proq ish qilgan bo‘lsak, bu oson amalga oshdi. Bizni yanada ajoyib ishlar kutmoqda!»