Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

АҚШнинг Ироқдаги элчихонаси ракета ҳужумига учради

АҚШнинг Ироқдаги элчихонаси ракета ҳужумига учради

фото: газета.ru

Бағдоддаги АҚШ элчихонасига ракета ҳужуми оқибатида бир ироқлик аёл ва икки бола яраланди. Бу ҳақда Middle East Eye нашри хабар берди.

Нашрга кўра, уч ракетадан иккитаси элчихона биноси яқинида жойлашган мактабга келиб тушган. Яна иккитаси элчихонада жойлашган ҳаво ҳужумидан мудофаа тизими томонидан уриб туширилган.

Қўшма Штатлар ҳужумларда Эрон билан алоқадор жангариларни айблайди. Ҳужумларда самолёт типидаги учувчисиз дронлардан фойдаланилган.

Бир қатор қуролли гуруҳлар 1 январдан бошлаб ҳарбий амалиётларни давом эттириши ва АҚШнинг Ироқдаги барча инфратузилмаларига, жумладан, ҳарбий иншоотлари ва дипломатик штаб-квартираларига зарба беришини очиқ эълон қилганди.

Олдин дронлар ёрдамида Ироқ бош вазири Мустафо ал-Козимий қароргоҳига ҳужум уюштирилган эди. Оқибатда ал-Козимийнинг ўн нафар қўриқчиси яраланган. Ироқ Ташқи ишлар вазирлиги ҳужумни теракт деб атади.

Аввалроқ Шимолий Корея америкалик қонунчилар КХДРнинг ракета учирилишига жавобан таклиф қилган санкцияларига нисбатан «қаттиқроқ жавоб бериш» ҳақида огоҳлантирганди

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг