Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Европа тарихидаги энг катта кокаин партияси фош этилди

Европа тарихидаги энг катта кокаин партияси фош этилди

Фото: «N-TV»

Германия божхонаси Гамбург портида Европа тарихидаги энг катта кокаин партиясини тўхтатиб қолишди. Парагвайдан олиб келинган бешта контейнерда тақиқланган 16 тонна психоактив моддалар топилган, дея хабар берди N-TV.

Германия ҳукумати 12 февраль куни кокаин партиясини топиб, маълумотларни хорижлик ҳамкасбларига етказди. Шунинг шарофати билан 21 февраль куни Бельгиянинг Aнтверпен шаҳрида 7 тоннадан ортиқ яна бир улкан партия аниқланиб, мусодара қилинди. Хабарларга кўра, гиёҳванд моддалар консерва идишларига яшириб қўйилган.

Ушбу 23 тонна кокаин билан боғлиқ вазиятда бир киши — 28 ёшли Голландия фуқароси ҳибсга олинди. Божхона ходимларининг маълум қилишларича, ушбу моддалар кўчада сотилганда гиёҳванд моддалар савдоси билан шуғулланувчи кимсаларга миллиардлаб евро даромад келтирган бўларди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг