«Facebook» Захарченконинг сурати туфайли сиёсатчининг аккаунтини блоклаб қўйди
«Facebook» немис сиёсатчисининг аккаунтини Захарченконинг сурати туфайли блоклаб қўйди, дея хабар беради «РИА Новости» ахборот агентлиги.
Сиёсатчи, Квакенбрюк шаҳри кенгашидаги «Сўл» партия фракцияси етакчиси Андреас Маурернинг маълум қилишича, «Facebook» унинг шахсий аккаунтини собиқ ўзини-ўзи Донецк Республикасининг раҳбари деб эълон қилган Александр Захарченко билан бирга тушган суратини эълон қилгани учун блоклаб қўйган.
«Мени «Дўстлик» ордени билан тақдирлаган Донецк Республикасининг собиқ раҳбари Александр Захарченко билан тушган суратим сабаб шахсий аккаунтимни 24 соатга блоклаб қўйишди. Бу суратни «Facebook» гўё террорчи гуруҳларникидек қабул қилган», – деган Маурер.
Маурер суратни Захарченконинг хотираси учун «Facebook»га жойлаштирган.
Эслатиб ўтамиз, Захарченко шу йил 31 август куни Донецк марказидаги «Сепар» кафесида содир бўлган портлаш оқибатида ҳалок бўлган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter