Гуайдо биринчи президентлик фармонини имзолади
Венесуэланинг муваққат президенти Хуан Гуайдо ўзининг илк фармонини чиқарди.
«Мен, Венесуэла Боливар Республикаси қуролли кучлари бош қўмондони сифатида, инсонпарварлик ёрдами Венесуэлага киритилишига рухсат берилишини навбатдаги маротаба тасдиқлайман ва ушбу рухсат асосида иш кўришни буюраман», — деб ёзди Гуайдо «Twitter»даги саҳифасида ҳамда ушбу ҳужжатнинг фотонусхасини илова қилди.
Бунгача мухолифат назорати остида бўлган парламент ҳам инсонпарварлик ёрдамига рухсат берилишини тасдиқлаганди.
Президент Николас Мадуро ҳукумати эртага — 23 февраль куни етиб келиши кутилаётган ташқи мададга тиш-тирноғи билан қарши ва шу куни бутун мамлакат бўйлаб сафарбарлик эълон қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter