Ҳиндистоннинг Андхра-Прадеш штати полицияси COVID-19 юқишидан қўрқиб, бир йилдан кўпроқ вақт давомида икки фарзанди билан чодирда яшириниб юрган оилани қутқарди, деб хабар берди ANI агентлиги.

«Бу ерда Чуттугалла Бенни оиласи, унинг рафиқаси ва икки фарзанди истиқомат қилади. Улар коронавирусдан қўрқишган, шу боис 15 ой уйда қамалиб ўтиришган», — деди оила топилган Кадали қишлоғи оқсоқоли Чоппала Гурунатх.

Кўнгилли уйга яшириниб олган аёл ва унинг 30 ёшли қизига ер участкасини олганлигини хабар бериш учун келган. Шундан сўнг ҳукумат ҳаммасидан хабардор бўлган. Aёллар эшикни очишдан бош тортишган, кўчага чиқсак, ўлиб қоламиз деб ўйлашган. Оиланинг қариндошлари ҳукуматга уларнинг аҳволи ёмонлигини маълум қилган.

«Кўнгилли бизни вазиятдан хабардор қилган заҳоти у ерга шошилдик. Оила кичкина чодирда яшарди, улар ҳатто ҳожатини ҳам шу кичкина чодирда чиқаришган. Биз маҳаллий аҳоли ва полиция ёрдамида оилани шифохонага олиб бордик. Ҳозир улар муолажа олишмоқда», — деди Гурунатх.

Қишлоқ оқсолоқининг сўзларига кўра, аёлларнинг аҳволи «ачинарли» бўлган; улар узоқ вақт давомида ювинишмаган, сочларини ҳам олишмаган. Гурунатхнинг фикрича, ҳукумат икки-уч кун кечикканда, аёллар вафот этиши мумкин эди.