Бугун, 15 ноябрь куни Молдовада  президентлик сайловларининг иккинчи босқичи старт олди.

Кураш биринчи босқичда энг кўп овоз олган икки номзод - Ҳаракат ва бирдамлик партияси номзоди, собиқ бош вазир Майя Санду ва мустақил номзод ва амалдаги давлат раҳбари Игор Додон ўртасида бўлиб ўтади. Улар биринчи турда мос равишда 36,16 фоиз (487 635 овоз) ва 32,61 фоиз (439 866 овоз) овоз тўплашди.

Сўровномаларга кўра, иккала номзодларнинг ғалаба қозониш эҳтимоли бор. Сўровларга кўра уларнинг орасидаги фарқ 3-4 фоиздан ошмаслиги мумкин. Шу билан бирга, чет элдаги сайлов участкаларида овоз бериш ҳисобга олинмайди. Биринчи турда Санду чет элда олинган овозларнинг тахминан 20 фоизини олган. Шу туфайли у сайловларнинг биринчи босқичида биринчи ўринга чиқишга муваффақ бўлди.

Сайлов участкасининг биноларида одамлар орасидаги масофани камида бир метрга этказиш учун белгилар қўйилади. Амалдаги овоз бериш кабиналари сонига тенг бўлган чекланган миқдордаги сайловчилар бир вақтнинг ўзида участка ичида ишга туширилади.

Номзодларнинг сиёсий қарашлари ҳам бир-бирдан фарқ қилади. Жумладан, Майя Санду Ғарбга мойилроқ экани айтилса, Игорь Додон россияпараст дея талқин қилинади.