Хабарлар тезкор Телеграм каналимизда Обуна бўлиш ×

Коронавирус даҳшатли қотилнинг ҳам бошига етди

Коронавирус даҳшатли қотилнинг ҳам бошига етди

Фото: «Mike Walker / Alamy / Diomedia»

Буюк Британиянинг Шимолий Дарем университет шифохонасида «йоркширлик йиртқич» номи билан танилган серияли қотил Питер Сатклифф оламдан ўтди. Бу ҳақда «Sky News» хабар берди.

13 аёлни ўлдиришда ва яна 7 инсоннинг жонига қасд қилишга уринишда айбланиб умрбод қамоқ жазосини ўтаётган Сатклифф коронавирусни юқтириб олгандан сўнг госпиталга ётқизилганди. Нашрнинг маълум қилишича, у даволанишдан бош тортган. Маҳбус семириб кетган ва соғлиғида муаммолари бўлган. Диабет ва юрак дарди шулар жумласидан. Сатклифф 74 ёшда эди.

Унинг ҳужумидан омон қолган аёллардан бири Марселла Клэкстон орадан 44 йил ўтган бўлишига қарамай, асоратларидан ҳалиям қийналаётганини тан олди.

«Ҳалиям бошим оғриб туради, бош айланиши безовта қилгани-қилган, ҳушимдан кетиб қоламан», — дейди у.

«Йоркширлик йиртқич» 1960 йилларнинг охирида аёлларга ҳужум қилишни бошлаган. Сатклифф қотилликка илк бор 1975 йилда қўл урган — ўшанда Лидс шаҳрида яшаган 28 ёшли Виломена Маккен унинг биринчи ўлжасига айланганди.

Қотил жавобгарликдан қочишга уриниб қандайдир овоз уни фоҳишаларни ўлдиришга чорлаётганини айтган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг