КХДР жанубий кореялик раҳбарни қатл этди
Жанубий Корея мудофаа вазирлиги КХДР ҳукуматини жанубий кореялик раҳбарни қатл этишда айблади. Баёнотга кўра, у чегара сувларида назорат ишларини олиб бораётганида йўқолиб қолган.
Жанубликлар даъвосига кўра, уни шимолий кореяликлар патрули ушлаб кетиб, отиб ташлаган ва ёқиб юборган. Бу ҳақда разведка маълумотлари бор.
Ҳалок бўлган инсон Сариқ денгизда балиқ овлаш нозирлигининг 21 сентябрь куни йўқолиб қолган 47 ёшли котиби экани таъкидланмоқда.
Штаб бошлиқлари Бирлашган қўмитаси тезкор қўмондони Ан Ен Хо ушбу ваҳшийлик юзасидан зудлик билан суриштирув бошлашни ва айбдорларни жазолашни КХДРдан талаб қилган, бироқ Пхеньян ҳозирча жим.
Эслатиб ўтамиз, жанубий кореялик фаоллар июнь ойида тарғибот варақалари тарқатганидан сўнг икки мамлакат ўртасидаги зиддият яна кескинлаша бошлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter