Aмериканинг Миссисипи штати Гренада шаҳрида яшовчи киши нотўғри айбловлар билан 20 йилдан ортиқ қамоқ жазосини ўтади. У озодликка чиққанидан бир йил ўтиб уйланди. Бу ҳақда Clarion Ledger хабар бермоқда.

1996 йилда Миссисипи штатининг Вайнона шаҳрида қора танли Кертис Флауэрс тўрт кишининг қотиллигида айбдор деб топишган. Қурбонларнинг барчаси дўкон ишчилари бўлишган. Кертис эса бир неча ҳафта олдин у ердан ишдан бўшатилган эди. Флауэрс айбини тасдиқловчи ишончли далиллар йўқлигига қарамай, айбдор деб топилган. У 20 йилдан ошиқ умрини қамоқда ўтказган. Шу вақт давомида ўлим жазоси ижро этилишини кутиб кун кечирган.

2019 йил декабрда Олий суд қарорига биноан, суд жараёнида Флауэрснинг конституциявий ҳуқуқлари бузилган деб топилди. Шундан сўнг у қамоқдан озод қилинди. Буни қарангки, унинг иши бўйича ўтказилган олтита суд йиғилишида иштирок этган 72 судьянинг 61 нафари оқ танли бўлишган. Ишни кўриб чиқиш натижасида эркакка қўйилган барча айбловлар бекор қилинди.

20 март куни Флауэрс Марлена Райтга уйланди. Эр-хотин озодликка чиққанидан сўнг тўй қилишни режалаштириб қўйишганди.