Трамп АҚШдаги сайловлар учун энг катта хавф нима эканини айтди
АҚШ президенти Доналд Трамп жорий йилда мамлакатда бўлиб ўтадиган сайловлар учун асосий таҳдид почта буюртмаси орқали овоз бериш деб ҳисоблайди.
Бу ҳақда у «Fox News» телеканали томонидан трансляция қилинган матбуот анжумани пайтида айтиб ўтди.
Оқ Уй раҳбарига кўра, почта орқали овоз бериш ҳаққоний овоз беришга таҳдид солади, шаффофликни шубҳа остига қўяди ва бу сайловларга чет эл аралашувидан жиддийроқ хавфдир.
«Ушбу сайлов учун энг катта таҳлика миллионлар томонидан юборилган ва губернаторлар томонидан назорат қилинадиган номақбул бюллетенлардир», - деди Трамп.
Таъкидлаш жоизки, Трамп аввалроқ почта орқали буюртма бериш бўйича овоз бериш тартибини танқид қилган эди.
АҚШда президентлик сайловлари жорий йилнинг 3 ноябрь куни бўлиб ўтади. Унда Доналд Трампга демократлардан Жо Байден рақиб бўлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter