Трамп ниқоб тақиш вақт-соати келганини айтди
АҚШ президенти Дональд Трамп коронавирус пандемияси даврида илк бор тиббий ниқобда омма олдига чиқди.
Давлат раҳбари шанба куни Вашингтон яқинидаги «Walter Reed» госпиталига ташриф буюрди. У ерда ҳарбий ҳаракатлар пайтида яраланган ҳарбий хизматчилар ҳам даволанишмоқда. Трамп тўқ кўк рангли ниқобни тақиб олганди. Ниқобнинг ён томонига олтиндан президент муҳри ҳам туширилган.
«Менимча, ниқоб тақиш — ажойиб. Мен ҳеч қачон ниқобга қарши бўлмаганман. Фақат ҳамма нарсанинг ҳам ўз вақт-соати бор», — деган Трамп журналистларга.
Авваллари Трамп оммавий тадбирларда ниқоб тақмасди. Лекин ниқобда ҳам яхши кўринишини — вестерн қаҳрамонларига ўхшаб қолишини айтганди.
АҚШнинг кўпгина штатлари коронавирус эпидемияси туфайли жамоат жойларида ниқоб тақишни буюрмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter